ავთანდილ ნიკოლეიშვილი 70

ადამიანური ცნობიერება ეტაპობრივად ივსება, სრულყოფილებისაკენ მიისწრაფვის.
საზოგადოებაში ინდივიდის დამკვიდრების პოზიტიურ მახასიათებელზე როცა ვსაუბრობთ, აუცილებლად უნდა აღვნიშნოთ სუბიექტის შინაგანი მზაობის, მიზანსწრაფვისა და შრომისუნარიანობის შესახებ, რაც სრულ ჰარმონიაში მოდის თვითნაბად მორალთან (ადამიანი ხომ არსობრივად მორალური მოჩვენებაა).
რამდენიმე თვის წინათ, ქართული ლიტერატურის ისტორიის მკვლევარს, ქალაქ ქუთაისში მოღვაწე დამსახურებულ პიროვნებას, ავთანდილ ნიკოლეიშვილს, 70 წელი შეუსრულდა.
ბატონმა ავთანდილმა ვრცელი გზა განვლო, მტკიცე ნაბიჯებით მოვიდა დღევანდლამდე. დღეის მდგომარეობით, მას 59 წიგნი აქვს გამოქვეყნებული სხვადასხვა პრობლემატურ საკითხებთან დაკავშირებით და სხვადასხვა პერიოდიკაში 200-მდე სამეცნიერო სტატია.
ნიკოლეიშვილი სწორედ ის ადამიანი გახლავთ, რომელიც საზოგადოებაში პოზიტიურად დამკვიდრდა, რაც, პირველ რიგში, მისი შინაგანი ინტელექტის, შრომისუნარიანობისა და ჭეშმარიტი მიზანსწრაფვის გამოძახილია. მისი ხედვის ვექტორი შორეულ ჰორიზონტებამდე აღწევს და არ შემოიფარგლება ვიწრო, კონკრეტულ განსაზღვრებათა ერთფეროვნებით; მისი რაციონალური ეგზისტენცი არ ემორჩილება ეზოთერულ დიქტატს, ცდილობს მჭვრეტელობით აღიქვას და შეიმეცნოს ხილული თუ უხილავი სამყარო.
ავთანდილ ნიკოლეიშვილი ახალგაზრდების გვერდით მდგომი პიროვნებაა, მას ყოველთვის ახარებს, როცა რაიმე სასიკეთო იქმნდება, როცა სტატიკურობა იცვლება დინამიურობით. ის, ხშირ შემთხვევაში, იქ არის, სადაც ქარიშხალია, სადაც ჭეშმარიტი აზრი ისახება და ვითარდება. ადამიანებს, როგორც წესი, აშინებთ სიახლეები, ნაწილი მათგანი კი, შურითა და მტრობით უპირისპირდება ყოველ ახალ წამოწყებას. ნიკოლეიშვილს არ აშინებს სიახლე... ის თავიდნვე აცნობიერებს ამა თუ იმ სიახლის შინაარსს და ავკარგიანობას, შესაბამისად ამისა, ყოველ პოზიტიურ, პერსპექტივაში სასიკეთო სიახლეს მიესალმება და გვერდით დგომას უცხადებს.
გვსურს, რომ ჩვენი ჟურნალის ფურცლებიდან მივულოცოთ საიუბილეო თარიღი ავთანდილ ნიკოლეიშვილს.

მსგავსი სტატიები:

ახალი სტატიები

ზურაბ კიკნაძე - ღვთის ქმნილება და ადამიანის კულტურა 21:48 მილან კუნდერა - ცენტრალური ევროპის ტრაგედია (თარგმანი - ნუგზარ კუჭუხიძისა) 21:37 ნინო უძილაური - ლექსები 21:24 იოსებ ჭუმბურიძე - პორტრეტები ლირიკოსის პროზაში 21:13 თეონა დოლენჯაშვილი - Animal Planet 21:01 ეთერ სადაღაშვილი - გაიღვიძე, საქართველო 23:42 ხათუნა თავდგირიძე - ნიბელუნგების ბეჭედი 23:24 თემო ჭახნაკია - ლექსები 23:12

ახალი ნომერი

პირადი კაბინეტი

სხვადასხვა

ჟურნალი ,,აფინაჟი“ დაარსდა 2018 წელს, პირველი ნომერი გამოვიდა 28 მარტს. ჟურნალის დამფუძნებელი და მთავარი რედაქტორია - ლევან გოგაბერიშვილი (გორვანელი). ჟურნალის იდეა გულისხმობს მეცნიერებისა და ლიტერატურის სინთზირებას, ახალგაზრდა მეცნიერებისა და მწერლების სრულფასოვან ადაპტირებას სამწერლო და სამეცნიერო ატმოსფეროში, სახელმოხვეჭილი, კულტად ქცეული ,,ავტორიტეტების“ ბუნებრივ დეკონსტრუქციას, კლასიკის, მოდერნიზმისა და პოსტმოდერნიზმის ფარდობითობას და ამ მთლიანობისაგან წარმოებულ ტრიალიზმს. ჟურნალის განვითარების საქმეში დიდი წვლილი მიუძღვით: თეიმურაზ ლანჩავას და ელგუჯა ბერიშვილს, რომლებიც ჟურნალის რედკოლეგიის შეუცვლელი წევრები გახლავთ; ისინი, ლევან გოგაბერიშვილთან ერთად, პირველივე დღიდან იბრძვიან ჟურნალ ,,აფინაჟის“ სრულყოფილებისათვის. ჟურნალში თქვენ იხილავთ ესთეტიკურად დახვეწილ და საზრისული შინაარსით დატვირთულ ტექსტებს.