ჩვენს შესახებ
პოპულარული
სტატიების არქივი
გამოკითხვები
რა ტიპის სტატიებს ისურვებდით ?
დათო არახამია - ლექსები
მისწვდა მერცხალი
უკიდეგანო ბინდია რადგან,
ცას კოსმიური ზმანება სერავს
და ცდომილების თაღოვან კართან,
ჩამოგვირისტდა დაისის კერა.
ცის კიდემ ისე აიდგა ენა,
დააფრთხო ღამე ჭექა-ქუხილმა.
გადასწვდა სივრცეს ნატყორცნი მზერა
და თვალი ლანდავს ჯერაც უხილავს.
სხივის კამარას მივანდობ სათქმელს,
თითქოს შეაშრა ვარსკვლავს კურცხალი.
გადმოიფინა სიმშვიდის ბადე,
ლაჟვარდის ტატნობს მისწვდა მერცხალი.
მიმწუხრის ჩრდილში
მწუხარე სულის ჭექა-ქუხილად,
ეღვრება ფურცლებს ფიქრების ჩქერი.
ფერად სხივებში სევდას უხილავს,
სიცოცხლის დვრიტამ შეახო ხელი.
ავითვალწუნე ძახილი ბილწის,
ღამე ვუთიე წუხილით წარსულს.
გაბზარული აქვს ძვალი ლავიწის,
წარმოსახვათა ფრთაშემპალ მარწუხს.
ჩამესმის შიშველ სულის წიაღში,
წაბორძიკებულ ყრმობის ყივილი.
სამწუთხო ცეცხლის ფერმკრთალ ციალში,
ხავსად ქცეული ღვივის ტკივილი.
საწუთროს ვნების არსის ბორანით,
რიჟრაჟი აცლის სარეცელს ზეწარს.
მიმწუხრის ჩრდილში შავი ყორანი,
მხრებდაშაშრულის სიმშვიდეს წეწავს.
შეაცბუნა
იდუმალი ღრძო ჟამი,
შლეგ ასპარეზს განაგებს.
გამჭრიახი ბრმა თვალი,
ვერ ხსნის სივრცეს დარაბებს.
რა უგულოდ იცინის,
არსება მიწიერი.
დაიბინდა სინდისის,
მოკლე თვალსაწიერი.
კოსმიური ქარია,
სხივი ნიღაბს მალავს.
ყოფას ხელი დარია,
არ ხილულმა ძალამ.
აღარ უჩანს საზღვარი,
ხლართვას გაბინდულ ქსელის.
გაელვებას ლახვარის,
მესია ვერ შველის.
სიო აჩქამდა მკვეთრად,
საოცარი ხმებია.
წვიმის უცაბედ ჟეთქვამ,
შეაცბუნა ფერია.
დავემონე
გაიფარფაშა ქუფრმა სისხამზე,
ღამენათევი ყივის მამალი.
თითქოსდა ზეცა მემსხვრევა თავზე,
ენა დაბმული ვვოხრავ მაშვრალი.
გაუფერულდა რადგან ცარგვალი,
თვალი დაეძებს ნათელ სახებას.
გზნებად იჭრება გულში გრიგალი,
ჭირს სატკივარის გადაფასება.
გაურკვევლობის მახურავს ნისლი,
მზარავს ქარბუქი, სუსხი და წვიმა.
გამონატყორცნი მიმწუხრის ისრით,
იიშვიათებს დაისის ბრწყინვა.
მწუხრის შეცნობა ვერ მოვასწარი,
შეცნობადობის მთუთქავს იარა.
ღვთიური სტვირით მიხმობს საყდარი
და დავემონე ჰანგებს მთლიანად.
დააკურთხა
მოკლე თვალსაწიერი,
ვერ იკვლევს ლაბირინთს.
არსება მიწიერი,
უტიფრად გაჰკივის.
შეკივლების შეგრძნებამ,
კარგა ხანს გასტანა.
არაქათი ეცლება,
უმწეო ბახალას.
აღარ უჩანს საზღვარი,
შურს და გაწბილებას.
გაიელვებს ლახვარი,
შიში ხანგრძლივდება.
ზესთა გზნების დანთებამ,
გარემო შეთითხნა.
დააკურთხა ღვთაებამ,
ბიბლიის ეთიკა.
ასცრა გარემო
ბურუსში მახვევს ყოფის ქარი თავნება,
სული ისევ გაინაბა წამით.
დამაძაბუნებს ამბოხებული ვნება,
რადგან მწუხრისა გამეფდა ჟამი.
მითიურ ზმანებას ეწვია რიჟრაჟი,
ივსება ციდან მიწის აორტა.
ციურ დათქეშებამ ჩანაყა მირაჟი,
იღბლის ისარმა საწუთრო გაკორტნა.
სამყაროს მაგიური ჰფენია ბინდი,
რა ეშველება, ო, ამდენ ურვას.
რადგან უცნაურდება ჟამთასვლის რიტმი,
დამცეცქვა უმალ ზნეობრივ წურვამ.
შემოაკვდება განცდას ნაწრთობი ფიქრი,
უმწიკლო მრწამსით შინაგან ქირქილს.
ბეწვის ხიდს ვდებ გრიგალთა მღვიმეებს იქით,
ასცრა გარემო ნიავმა დილის.
მინდა რომ
ლაჟვარდს რომ ცრემლი დასცვივდა,
შორეთში გრგვინავდა გრიგალი.
ბინდბუნდის ჩამსხვრეულ სარკმლიდან,
გამოკრთა ნატიფი ცისკარი.
მე მაინც ამემღვრა გონება,
აღტკინდა ფიქრების ლაშქარი...
უებრო წარსულის ცხონებამ,
აბრწყინა მომავლის ცარგვალი.
ტატნობზე გამოჩნდა როს რაში,
მინდა რომ გიხილო ღვთაებად.
აღზევდა აისის მირაჟი,
გავყუჩდი და ენაც დამება.
ელის
თუ ზენაარის ვუსმენ გალობას,
გაბადრულია მაშინ განწყობა.
სული ძალუმად მაინც ავობდა,
აზრის დაწნეხვა სიტყვამ აწონა.
თუ ამ ფიქრების იდუმალება,
გაუცხოების გარსში შეაღწევს.
განიმუხტება ყოფის ვაება
და ნაბიჯიღა რჩება შენამდე.
მაინც ჩამოწვა უეცრად ბინდი,
ამიხამხამდა შემცბარს წამწამი.
სანატრელია სიმშვიდის ხიბლი,
ისმის ზმუილი, ლაწან-ლაწანი.
რადგანაც ღვთიურ განმარტოებას,
ადამის მოდგმა ვერ ეგუება.
თავისკენ ქაჩავს ჭაპანს დროება
და სარბიელი ელის ცდუნებას.
ახალი სტატიები
ლეილა მესხი - ,,თეთრი დუქანი“ 00:38ვლადიმერ ნაბოკოვი - მძიმე ბოლი (თარგმანი - ნანა გაბადაძე) 00:31ავთანდილ ნიკოლეიშვილი - იზმირის ქართული მონასტერი 00:36ლანა ბიბილურიძე - ინტერვიუ პოეტ ზაალ ჯალაღონიასთან 23:50კარლ გუსტავ იუნგი - „ულისეს“ მონოლოგი (თარგმანი - ნუგზარ კუჭუხიძე) 21:13ქეთევან ნათელაძე - ლექსები 20:54დალილა ბედიანიძე - ლექსები 05:14ეთერ სადაღაშვილი - თურქული პოეზიის თარგმანი 05:10
ახალი ნომერი
პირადი კაბინეტი
სხვადასხვა
ქეთი დუღაშვილი - ლექსები
ერეკლე ბეჟუაშვილი - ტიბეტური საგანძური (ნაწყვეტი წიგნიდან)
ზაალ ებანოიძე - წყალგაღმიდან მოიწერე
ლანა ბიბილურიძე - ინტერვიუ პოეტ ზაალ ჯალაღონიასთან
ინგუ ჭუმბურიძე - ლექსები
ეთერ სადაღაშვილი - თურქული პოეზიის თარგმანი
ნინო დარბაისელი - ლექსები
ავთანდილ ნიკოლეიშვილი - იზმირის ქართული მონასტერი
რაულ ჩილაჩავა - ლექსები
იოსებ ჭუმბურიძე - განკვირვება და გულ-ზრახვა*